Дэлхийд ганцхан монголын баяр наадмыг сонирхон    үзэхээр ирсэн жуулчидын хөлд нийсэлэл хот маань нилээн дарагдлаа. Төр захиргааны байгууллагуудын шугамаар ч хамтран ажилладаг хот дүүргүүдийн төлөөлөгчид үндэсний их баяр наадмыг үзэж сонирхохоор ирсэн байна. Баянзүрх дүүргийн Засаг дарга Б.Батзоригийн урилгаар Пусан хотын Сөгү дүүргийн Засаг дарга Пак Гюк Жэ тэргүүтэй 12 хүний бүрэлдэхүүнтэй төлөөлөгчид Баянзүрх дүүрэгт 5 хоногийн ажлын ажлын ажлын айлчлал хийгээд буцлаа. Айлчлалын бүрэлдэхүүнд Сөгү дүүргийн Тамгын газрын дарга, Иргэдийн төлөөлөгчдийн хурал, бизнесийн төлөөлөл багтсан байна. Айлчлалын үеэр хоёр тал өнгөрсөн хугацаанд хоёр дүүргийн иргэд төрийн байгууллагын харилцаа холбоог бататгах талаар хамтран хийсэн ажлын үр дүнгээ харилцан ярилцаж цаашид хэрэгжүүлэх ажлын чиглэлээ тодорхойллоо. Уулзалтын үеэр Сөгү дүүргийн “Хайрын бүс залгах” төрийн бус байгууллагаас тус дүүргийн эмзэг бүлгийн иргэдэд зориулсан “Нэг хувийн хайр” хөдөлгөөний эхлүүлэхэд дэмжлэг үзүүлэн 5000 ам долларыг гардуулан өглөө. Мөн эрүүл мэндийн салбарт хөрөнгө оруулалт хийж өрхийн эмнэлэгүүдэд шаардлагатай байгаа тоног төхөөрөмжүүдийг оруулж ирэхээр тохиролцлоо.
Төлөөлөгчид дүүргийн 19-р хороо Цайз захын орчмын гэр хороололын байдал,  хорооны өрхийн эмнэлэг, цагдаагийн тасгийн үйл ажиллагаатай танилцлаа.
Баянзүрх дүүрэг Пусан хотын Сөгү дүүрэгтэй анх 2003 онд хамтын ажиллагаа тогтоосон байна. Энэ хугацаанд Солонгосын талын 100 хувийн хөрөнгө оруулалтаар Зуун айлын гүүрнээс Туул Жин Пан хүртлэх 1800 метр замыг иж бүрэн засварлаж, явган хүний зам, гэрэлтүүлэг хийж Пусан хот Сөгү дүүргийн нэрэмжит гудамжийг байгуулсан юм. Мөн дүүргийн 53-р сургуульд иж бүрэн компьютер хэрэгсэл хандивлаж, соёл урлаг, тохижилт бүтээн байгуулалтын салбарт идэвхитэй хамтран ажиллаж ирсэн байна.

Баянзүрх дүүрэг үүсэн байгуулагдсаны 45 жилийн ой энэ өдрүүдэд тохиож байна. Ойн баяраа угтаж дүүргийн Засаг даргын Тамгын газраас 45 бүтээлч ажлын болзолт уралдаан зарлаж дүгнэн, мөн иргэдийнхээ ая тухтай амьдрах таатай орчныг бүрдүүлэхэд онцгой анхаарч, мөн нийслэлийн өнгө үзэмжид бодитой хувь нэмэр оруулсан аж ахуйн нэгж байгууллагуудаа шагнаж урамшууллаа. Ойн баярын хамгийн том арга хэмжээ бол Баянзүрхчүүдийн шүтээн болсон Баянзүрх хайрханы тэнгэрийг тайх их тахилгыг ёслол төгөлдөр хийсэн юм. Мөн ойд зориулсан бэсрэг наадам хийж амралтын өдрүүдийг дүүргийн иргэд Хонхорын Хонхорын Ногоон толгойд дэнж хотойтол наадамлаж өнгөрүүллээ. Бэсрэг наадамд улс аймгийн цолтой хүчит 128 бөх зодоглож, 6 насны шандаст хүлэг тоосоо өргөж , 60 гаруй харваач цэц мэргээ үзлээ.
Наамдын үйл ажиллагаанд Нийслэлийн ИТХ-ын тэргүүлэгчдийн дарга Т.Билэгт, Улаанбаатар хотын захирагч Г.Мөнхбаяр, олон улсын байгуулагуудын төлөөлөгчид зэрэг зочид төлөөлөгчид, нэгэн цагт үүсэн байгуулагдаж байсан бусад дүүргийн удирдлагууд хүрэлцэн ирж баяр хүргэсэн юм. Наамамд дүүргийн 24 хороо иргэдээ хүлээн авч наадамд 15000 гаруй иргэд оролцсон байна.

ОЙН БАЯРЫН ХӨТӨЛБӨР

2010 оны 7 дугаар сарын 02-ны өдөр

10.00 Хязаалан насны морьдын уралдаан

13.00 Шүдлэн насны морьдын уралдаан

/Бэсрэг наадам Хонхорын 11-р хорооны нутаг “Ногоон толгой”-д/

2010 оны 7 дугаар сарын 03-ны өдөр

09.00-11.30 Баянзүрх хайрханы тэнгэрийг тайх их тахилга /Баянзүрх хайрхан ууланд/

07.00 Азарганы уралдаан

10.00 Их насны морьдын уралдаан

10.00 Үндэсний хүчит 128 бөхийн барилдаан

11.00 Монголын үндэсний их сурын харваа

11.50 Баянзүрх дүүргийн 45 жилийн ойн “Бэсрэг наадам”-ын нээлт

13.00 Соёолон насны морьдын уралдаан

13.00 Урлагийн тоглолт

15.00 Дааганы уралдаан

17.30 Айрагдсан морьдын цол дуудаж бай шагнал гардуулна

18.00 Цэц мэргэн харваачдад шагнал гардуулна

18.30 Түрүүлж үзүүрлэсэн, шөвгийн дөрвөн бөхчүүдэд шагнал гардуулна

18.40 Бэсрэг наадмын хаалтын ажиллагаа

Хонхорын 11-р хорооны нутаг “Ногоон толгой”-д/