Монгол Улсын нийслэлийн Баянзүрх дүүрэг байгуулагдсаны 45 жилийн ойг тохиолдуулан дүүргийнхээ

нийт иргэд, нийслэлчүүдэдээ чин сэтгэлийн мэндчилгээ дэвшүүлье.

Баянзүрх дүүргийхэн бид, хөгжил дэвшлийн хөдөлгөгч хүч болсон иргэд олон түмнийхээ хийж бүтээх,

ажиллаж амьдрах нээлттэй, амар тайван, таатай орчин нөхцлийг бүрдүүлж, нийгмийг удирдах нутгийн

удирдлагын хууль ёсны хэм хэмжээг хэлбэрэлтгүй баримталж, төрийн үйлчилгээг улам бүр ойртуулж,

тэдний санал санаачлага, идэвхи оролцоог нэмэгдүүлж, эх орондоо хүнлэг энэрэнгүй ардчилсан

нийгэм байгуулах үндсэн хуулийн эрхэм зорилгоо хэрэгжүүлэх үйлсэд хувь нэмэрээ оруулахаар

хүч бололцоогоо дайчлан ажиллаж байна.

Энэхүү зорилгыг хэрэгжүүлэхэд дүүргийн нийт иргэд, оршин суугчид, хамтран ажилладаг гадаад

дотоодын байгууллага аж ахуйн нэгж, тэдгээрийн ажилтан ажиллагсад, бүх хүмүүсийн сайхан

сэтгэлийн дэмжлэг, бодитой оролцоо хэрэгтэй учир хүн бүхэнд өөдрөг бодол, өлзийтэй зам мөр, насан туршийн энх тунх, инээд баясал,

аз жаргал дүүрэн амьдрахыг хүсэн ерөөе.

ИРГЭДИЙН ТӨЛӨӨЛӨГЧДИЙН ХУРЛЫН ДАРГА

Б.ТӨМӨРБААТАР